बमको धम्कीले १४७ विमानको आपतकालीन अवतरण

लिम्वूवान डट व्लगस्पोट डटकम,काठमाडौं

भान्कुवर, चैत २९ (एजेन्सी)- १४७ यात्रु बोकेको कोरियन एअरको एउटा यात्रुवाहक विमानमा बम राखिएको धम्की आएपछि दुई वटा फाइटर जेटले एस्कोर्ट गर्दै सो जेट विमानलाई ब्रिटिस कोलम्बियामा सुरक्षित आपतकालीन अवतरण गराइएको छ। बोइङ ७७७ विमानलाई दुई वटा एफ १५ फाइटर जेटले एस्कोर्ट गरेको सीएनएनले जनाएको छ। भान्कुवरबाट दक्षिण कोरियाको राजधानी सोल उडेको सो विमानमा बम राखिएको धम्की लस एन्जलसको कोरियन एअरको कार्यालयमा प्राप्त भएको सो विमान कम्पनीकी प्रवक्ताले बताइन्। धम्की आएपछि सम्बन्धित विभागहरुसँगको सल्लाहमा विमानलाई अवतरण गराइएको उनले बताइन्।