लिम्बुवान राज्य नभए आफ्नै दल र नेतृत्वविरुद्ध संघर्ष गर्ने

लिम्वूवान डट व्लगस्पोट डटकम,काठमाडौं 

 वैशाख १२ - संविधानसभामा प्रतिनिधित्व गर्ने माओवादी, कांग्रेस, एमालेलगायत लिम्वुवान समर्थक नेताहरुले लिम्बुवान राज्य नभए आफ्नै दल र नेतृत्वविरुद्ध संघर्ष गर्ने चेतावनी दिएका छन् । रिपोर्टर्स क्लबमा मंगलबार भएको कार्यक्रममा संघर्ष समितिले ठूला दलहरुले १४ प्रदेशबाट घटाएर सातप्रदेश कायम गरे त्यसलाई अस्वीकार गर्ने स्पष्ट पारेको हो । '१४ प्रदेशभन्दा घटाए हामीमान्दैनौं,' कार्यक्रममा एमाले पोलिटब्युरो सदस्य विजय सुब्बाले भने, 'पार्टी अध्यक्ष झलनाथ खनाल, वरिष्ठ नेता माधवकुमार नेपाल, नेता केपी ओलीले पार्टी निर्णयविपरीत संघीयताविरुद्ध बोलेका छन् । पार्टी निर्णयविरुद्ध जाने अधिकार कसैलाई छैन । त्यस्तो नेतृत्व हामी मान्दैनौं ।' १४ प्रदेश भन्दा कम र लिम्बुवानलाई मान्यता नदिए नेतृत्वविरुद्ध उभिने चेतावनीदिए । उनले थपे-'अब लिम्बुवानहरु चुप लागेर बस्दैनौँ । हामी जनविद्रोहमाजान पनि तयार छौं ।' कार्यक्रममा संघीयता कार्यान्वयन लिम्बुवान संघर्ष समितिका संयोजक समेत रहेका सभासद् सुब्बाले लिम्बुवान राज्य नभई संविधान जारी भएको अवस्थामा लिम्बुवानको सदरमुकाम र अन्य स्थानमा संविधान जलाउने र आफ्नो संविधान जारी गरी लिम्बुवान प्रादेशिक तथा स्थानीय सरकार गठन गर्ने चेतावनी समेत दिएका छन् । 'अब एमालेले भन्दैमा लिम्बुहरुले मान्नेवाला छैनन् । हामीलाई लिम्बु राज्य चाहिन्छ,' उनले भने । संघीयता कार्यान्वयनलिम्बुवान संघर्ष समितिले लिम्बुवानका निम्ति देशभरि नै अन्तक्रिर्या गर्ने, संघीयतामा लिम्बुवान क्षेत्र, बस तथा सवारी साधनमा लिम्बुवान लेख्ने, सरकारी कार्यालय तथा गैर सरकारी कार्यालयका साइनबोर्डमा लिम्बुवान लेख्न लगाउने, स्थानीय एफएम र टेलिभिजन र पत्रपत्रिकामा लिम्बुवानको प्रचार गराउने लगायतका आन्दोलनका कार्यक्रम समेत घोषणा गरेको छ ।