अखिल नेपाल महिला संघमा नेतृत्व विवाद जारी

लिम्वूवान डट व्लगस्पोट डटकम,काठमाडौं 

शनिबारदेखि पोखरामा सुरु भएको एमाले भ्रातृ संगठन अखिल नेपाल महिला संघको बन्द सत्रमा भएको विवाद आइतबारसम्म पनि जारी रहेको छ । आइतबार सम्मेलनमा नयाँ नेतृत्वका लागि विवाद उत्पन्न भएको हो । स्रोतका अनुसार पार्टीकी उपाध्यक्ष र दुई पटकसम्म अध्यक्ष पद समालिसकेकी विद्या भण्डारीलाई फेरि अध्यक्ष दिन नहुने र दिनुपर्छ भन्ने बीच विवाद चर्किएकोले बन्द सत्र अघि बढ्न सकेको छैन । सम्मेलनमा प्रतिनिधि विवाद पनि यथावत् छ । अहिले नेतृत्वका लागि उर्मिला अर्याललाई अघि सारिएको छ । तर नयाँ नेतृत्वको लागि उठाइएकी अर्याललाई सभागृहभित्र प्रवेश गर्न दिइएको छैन । विद्या पक्षकी संघकी सचिवालय सदस्य टुका हमालले प्रतिनिधि नभएकालाई अध्यक्षमा उठाउनु औचित्यहीन भएको भन्दै विद्या बाहेक अध्यक्षमा अरुको विकल्प नभएको बताएकी छिन् ।