दक्षिण अफ्रिकाले १४ हजार कैदीलाई मुक्त गर्ने

लिम्वूवान डट व्लगस्पोट डटकम,काठमाडौं 

 दक्षिण अफ्रिकाको पहिलो लोकतान्त्रिक चुनावको वार्षिक उत्सवको अवसरमा सरकारले १४ हजार कैदीलाई मुक्त गर्ने भएको छ । सरकारद्धारा मुक्त गर्न लागिएको यो कैदी संख्या कुल जनसंख्याको ९ प्रतिशत संख्या हो । तर हत्या, आतंकवाद, बाल शोषण, लागू औषध तस्करी लगाएत अभियोगमा जेल चलान भएका कैदीहरुलाई भने मुक्त नगरिने जनाइएको छ । दक्षिण अफ्रीकी सरकारका अनुसार यो कदमबाट कारागारमा क्षमता भन्दा बढी कैदी राख्दा आउने समस्याको समाधान हुनेछ । दक्षिण अफ्रिकामा पहिलो पटक लोकतान्त्रिक चुनाव सन् १९९४ मा भएको थियो जसमा नेल्सन मण्डेलाले विजय प्राप्त गरेका थिए ।