बैद्य पक्षद्वारा दाहालको कार्यक्रम बहिष्कार

लिम्वूवान डट व्लगस्पोट डटकम,काठमाडौं

माओवादी जिल्ला समिति काभ्रेले बुधबार बनेपा गोदमचोकमा आयोजना गरेको कार्यक्रममा माओवादी अध्यक्ष पुष्पकमल दाहाल प्रमुख अतिथी रहेका थिए । तर अध्यक्ष दाहाल अतिथी रहेको उक्त कार्यक्रमलाई उपाध्यक्ष बैद्य पक्षले बहिष्कार गरेको छ । अध्यक्ष दाहाल उक्त 'राजनीतिक वैचारिक प्रशिक्षण कार्यक्रम' मा प्रशिक्षण दिन त्यहाँ गएका हुन् । बैद्य पक्षका अनुसार आफूहरु भिन्न विचार समूहको कार्यकर्ता भएकोले कार्यक्रम बहिष्कार गरिएको हो । बनेपा जिल्लामा बैद्य पक्षको नेतृत्व गरिरहेका सह इन्चार्ज चुडामणि गौतमले त्यो कार्यक्रम आफ्नो नभएको र दाहालले नेतृत्व गरेको संगठन भन्दा आफ्नो संगठन भिन्न विचारधाराको भएकोले कार्यक्रम बहिष्कार गरेको बताए । जिल्लाबाट माओवादीका चार सभासदले संसदमा प्रतिनिधित्व गरिरहेका छन् भने त्यस मध्ये तेज बहादुर मिजार र रेणुका चौलागाईले कार्यक्रम बहिष्कार गर्न साथ दिएका हुन् । अध्यक्ष दाहालसँग माओवादी पोलिटव्यूरो सदस्य अग्निप्रसाद सापकोटा पनि छन् ।