पहिचानसहितको संघियताको माग गर्दै जनजातीको प्रदर्शन

लिम्वूवान डट व्लगस्पोट डटकम,काठमाडौं 

आदिवासी जनजाति संयुक्त संघर्ष समितिले जातिय पहिचानसहितको संघियताको लागि दवाव दिन भन्दै आज राजधानीमा जनप्रदर्शन गर्दै छ । जातिय भेषभुषा सहित जनजाति समुदायले राजधानीका विभिन्न स्थानबाट दिउँसो १ बजेपछि प्रदर्शन सुरु गर्ने संघर्ष समितिले जनाएको छ । पुतलीसडकबाट तामाङ, भृकुटीमण्डपबाट थारु, चाबहिलचोकबाट शेर्पा, कलंकीबाट मगर र कोटेश्वरबाट राइलिम्बुको रयाली निकालिने ताम्सालिङ संघर्ष समितिका कुमार योन्जनले जानकारी दिए । ति रयाली बसन्तपुर डबलीमा पुगेर आमसभामा परिणत हुने छन् । संयुक्त संघर्ष समितिले आजको प्रदर्शन र आमसभाको प्रचारस्वरुप हिजो राजधानीमा मोटरसाइकल रयाली निकालेको थियो । संयुक्त संघर्ष समितीमा नेपाल आदिवासी जनजाती महासंघ, विभिन्न राजनैतिक दलका जातिय मोर्चा तथा संगठनहरु आबद्ध छन् ।