फेसबुकलाई भारतको बंगाल सिआईडीको पत्र

लिम्वूवान डट व्लगस्पोट डटकम,काठमाडौं

कोलकता– भारतको पश्चिम बंगालको केन्द्रिय अनुसन्धान विभाग (सिआईडी)ले समाजिक नेटवर्किङ वेवसाइट फेसबुकलाई पत्र लेखेको छ । पत्रमा बंगाल प्रहरीले राज्यको मुख्यमन्त्री ममता वनर्जीको केहि तस्विर हटाउन फेसबुकलाई निर्देशन दिएको छ । मन्त्री वनर्जीविरुद्ध गरिएको आपत्तिजनक टिप्णी र तस्तिरको स्रोत पत्ता लगाउन समेत सिआईडीले फेसबुकलाई पत्रमा भनेको छ । यसअघि कोलकाताको जादबपुर विश्वविद्यालयका प्राध्यापक अंविकेश महापात्रलाई वनर्जीको बारेमा एक कार्टुन ई–मेल पठाएकोमा पक्राउ गरिएको थियो । केहि व्यक्ति फेसबुक र ट्विटर मार्फत वनर्जीलाई बदनाम गर्ने प्रयास गरिरहेको राज्यको सत्ताधारी दल तृणमूल कांग्रेसका एक कार्यकर्ताले १२ अप्रिलमा प्रहरी उजुरी दिएका थिए । फेसबुकलाई यो पहिलो पटक यस प्रकारको पत्र, चेतावनी र सुझाव आएको होइन । संसारभरिका सरकार र जिम्मेवार संस्थाहरुले यो साइटलाई बेला बेलामा मानहानी हुने खालको सामग्री हटाउन भन्ने गरेको छ ।