शान्ति खोज्न सगरमाथा हिडेका प्रकाशको नाक खायो हिउँले

लिम्वूवान डट व्लगस्पोट डटकम,काठमाडौं 

शान्ति र संविधानको लागि भन्दै सगरमाथाको आरोहरणमा गएका एकीकृत माओवादी अध्यक्ष पुष्पकमल दाहालका छोरा प्रकाशको नाक हिउँले खाएको छ । सगरमाथा आरोहणका क्रममा ६ हजार दुई सय मिटरको उचाइरमा पुग्दा प्रकाशको नाक हिउँले बिगारेको हो । प्रकाश आधार शिविर नपुग्दै उनको नाकलाई हिउँले बिगारेको हो । गत चैत २२ गते सगरमाथा आरोहणका लागि सोलुखुम्बुको लुक्ला गएको माओवादी नेता कृष्ण केसीको नेतृत्वको टोलीमा प्रकाश समेत गएका छन् । प्रकाशको नाकलाई ६ हजार दुई सय मिटरको हिमाल चढ्ने क्रममा हिउँले बिगारेको सोलिडारिटी खबरले जनाएको छ । केसीको नेतृत्वको टोलीको लक्ष्य सगरमाथामा कम्युनिष्ट पार्टीको झन्डा फरफराउने रहेको छ । प्रकाश सँग सगरमाथा आरोहण गर्नेमा युवराज दुलाल, सरल सहयात्री, शिवकुमार डाँगी, विना मगर, मदन चुडाल, महेश्वर फुयाँल, इशु भट्ट लगायत रहेका छन् ।