कांग्रेस पनि प्रत्यक्ष निर्वाचित राष्ट्रपतिको पक्षमा

लिम्वूवान डट व्लगस्पोट डटकम,काठमाडौं 

 वैशाख १२ - कांग्रेस प्रत्यक्ष निर्वाचित राष्ट्रपतिमा जान तयार देखिएपछि मिश्रित मोडलको शासकीय स्वरुपमा नै सहमति जुट्ने भएको छ । विहान शीर्ष तहको बैठकमा प्रत्यक्ष निर्वाचित राष्ट्रपति र संसदबाट निर्वाचित प्रधानमन्त्री स्विकार्ने समझदारी बनेको थियो । राष्ट्रपति र प्रधानमन्त्रीको अधिकार बाँडफाँडमा भने पुरै सहमति बनिसकेको छैन । अपरान्ह तीन दल र मोर्चाको बैठकमा अधिकार बाँडफाँडको बिषयलाई समेत टुंगाउने कांग्रेसका एक नेताले बताए । अधिकार बाँडफाँट गर्दा कांग्रेसले प्रधानमन्त्रीलाई बढी अधिकार दिनुपर्ने अडान राखेको छ । तर, माओवादीले भने निर्वाचित राष्ट्रपतिलाई बढी अधिकार दिइनुपर्ने उल्लेख छ । कांग्रेसले आजै शिर्ष तहमा भएको सहमतिलाई केन्द्रीय सदस्य र सभासद्‍हरुलाई जानकारी गराएको थियो । कांग्रेस संसदीय दलको बैठकमा सभासद र केही केन्द्रीय सदस्यहरुबीच अधिकार बाँडफाँटका बिषयमा समेत छलफल भएको थियो । 'प्रधानमन्त्रीलाई बढी अधिकार दिने गरी संसदलाई पनि बलियो बनाउने र राष्ट्रपतिको प्रत्यक्ष निर्वाचनमा जाने कुरामा पार्टी तयार देखिएको छ,' कांग्रेसका एक नेताले भने । लगतै संविधानसभामा केन्द्रीय समितिको बैठक बस्ने तयारी भएृको आन्तरिक विवादका कारण बुधबार मात्रै केन्द्रीय समिति र संसदीय दलको बैठक सयुक्त बोलाईएको छ । यसअघि कांग्रेसले मिश्रित मोडल स्विकारे पनि राष्ट्रपतिको चयन विस्तारित निर्वाचन मण्डलबाट मात्रै हुनुपर्ने अडान राख्दै आएको थियो । माओवादी, एमाले, मेधसी मोर्चासमेत प्रत्यक्ष निर्वाचित राष्ट्रपतिको पक्षमा देखिएपछि कांग्रेसले पनि त्यसमा सहमति जनाएको हो ।