ब्राह्मण-क्षत्रीलाई जनजातिमा नराखे आमहड्ताल गर्ने चेतावनी

लिम्वूवान डट व्लगस्पोट डटकम,काठमाडौं 

 वैशाख १७ चुरेभावर राष्ट्रिय एकता पार्टीले मुलुकको आधा जननसङ्ख्या भएका मुख्य जातिहरुलाई ७ दिनभित्र आदिवासी जनजातिको सूचीमा राख्‍न माग गरेको छ। ब्राह्मण, क्षत्री, ठकुरी र दशनामीलाई ७ दिनभित्र आदिबासी जनजातिमा सूचीकृत नगरे आमहड्तालमा उत्रने चेतावनी उसले दिएको छ। आइतबार रिपोर्टर्स क्लब नेपालमा पत्रकार सम्मेलन गर्दै एकता पार्टीका महासचिव भूमिराज निरौलाले भने- हामीले दिएको ७ दिनका समयसीमालाई राज्यले हेल्चेक्र्याइँ गरे ८ औं दिनबाट देशभर आमहड्ताल गर्नेछौं र १५ दिनभित्र सरकारलाई घुँडा टेकाउनेछौं। भूगोलले नै किटान गरेको तराई पहाडको मेरुदण्डका रुपमा रहेको अखण्ड चुरेभावर प्रदेश कायम गर्नसमेत उनले माग गरे। 'अखण्ड चुरेभावर प्रदेश नभए १५ दिनपछि वार कि पारको स्थिति सुरु हुनेछ'- उनले भने। पत्रकार सम्मेलनमा पार्टी उपाध्यक्ष चन्द्रप्रसाद खनालले चुरेलाई अतिक्रमण गरी प्रकृति प्रकोप नै सखाप पार्ने अतिक्रमणकारीलाई न्यायको कठघरामा ल्याउन आफ्नो पार्टीलाई जिम्मेवारी दिनुपर्ने माग पनि गरे।