एसएलसीमा खेताला लाउने सभासद् धरौटीमा छुटे

लिम्वूवान डट व्लगस्पोट डटकम,काठमाडौं

वैशाख ५ एसएलसीमा खेताला लगाउने माओबादी सभासद प्रेमबहादुर पुलामी मंगलबार जिल्ला अदालत गौरबाट धरौटीमा छुटेका छन् । उनलाई अदालतले दुई हजार पाँच सय धरौटी लिई तारेखमा छाडेको हो । मकवानपुर क्षेत्र नम्बर २ बाट सविधानसभाको निर्बाचनमा प्रत्यक्ष निर्वाचित माओबादी सभासद पुलामीको नाममा परीक्षा दिईरहेका मकवानपुरको नामटार गाबिस–८ का साहित्य लामालाई श्रीउच्च माबि जुडिबेला परीक्षाकेन्द्रबाट पक्राउ गरिएको थियो । एसलएसी परीक्षा अमर्यादित बनाएको भन्दै सभासद पुलामी, पक्राउ परेका लामा र मकवानपुरका शिक्षक गोकुल लम्सालबिरुद्ध मुद्दा चलाइएको छ । पक्राउ परेका लामालाई अदालतले दुई साता अघि दुई हजार पाँच सय धरौटी लिई तारेखम छाडेको थियो । तर, सभासद पुलामी र शिक्षक लम्साल भने पक्राउ परेका थिएनन् । अदालत श्रोतका अनुसार सभासद पुलामीले आफुले रौतहटको कुनै बिद्यालयमा भर्ना नभएको र एसलएसी परीक्ष समेत नदिएको ईन्कारी बयान दिएका छन् । मैले फारम नै भरेको छैन सभासद पुलामीलाई उदृत गर्दै अदालत श्रोतले भन्यो कुन बिद्यालयबाट मेरो नाममा कसले भरेको हो मलाई थाहा भएन । शिक्षक लम्साल भने हाजिर भएका छैनन् । सभासद पुलामी मंगलबार नै अदालतमा हाजिर भएका थिए । स्थानीय चन्द्रनिगाहपुरको जनज्योति उच्च माबिबाट कक्षा नौमा सभासद पुलामी भर्ना भएका हुन् । सभासद पुलामीले ईन्कारी बयान दिए पनि उनको नाममा परिक्षा दिन बसेका लामाले भने पुलामी र शिक्षक लम्सालले आफूलाई परिक्षा दिन ल्याएको बयान दिएका छन् । शिक्षा ऐन अनुसार नक्कली बिद्यार्थीलाई परीक्षा दिलाउनेलाई एकलाख जरिवाना र ६ महिनासम्म कैद वा दुवै सजाय हुने ब्यवस्था गरेको छ । माओबादी सभासद पुलामी संविधानसभाको राष्ट्रिय हित संरक्षण समिति र संसदको सार्बजनिक लेखा समितिका सदस्य हुन् ।