आधा दर्जन क्लिनिकमा प्रशासनको छापा

लिम्वूवान डट व्लगस्पोट डटकम,काठमाडौं 

भक्तपुर , वैशाख १४ - जिल्ला प्रशासन कार्यालयले भक्तपुरको विभिन्न ठाँउको आधा दर्जन औषधी पसल र क्लिनिकमा छड्के अनुगमन गरेको छ । मापदण्ड पुरा नगरी पसल सञ्चालन गरेको, म्याद गुज्रेका औषधी विक्री गरेको गुनासो आएपछि प्रशासनले अनुगमन तिब्र बनाएको हो । प्रशासनले सूर्यविनायकको विनायक फर्मामा सञ्चालित एक्सरे र डेण्टल क्लिनिक र ल्याव बन्द गराएको छ । अनुमति पत्र नलिई सञ्चालन गरेको भेटेपछि प्रशासनले सबै सेवा बन्द गराई तीन दिनभित्र उपस्थित हुन पत्र काटेको हो । यसैगरी कमलविनायक फर्मा र हेलो जनस्वास्थ्य फर्माका सञ्चालकलाई पनि प्रशासनले पत्र काटेको छ । भक्तपुरका प्रमुख जिल्ला अधिकारी जितेन्द्र भण्डारीले मापदण्ड पालना गरेका स्वास्थ्य पसल र क्लिनिकहरु बन्द गरिने बताए । 'व्यवसाय सञ्चालन गर्नुपूर्व उनीहरुले प्रचलित ऐन कानुन अनुसार स्विकृती लिनुपर्छ,' भण्डारीले भने । टोलीमा औषधी व्यवस्था विभाग, जिल्ला जनस्वास्थ्य कार्यालय, प्रहरी प्रशासन लगायतका निकायका प्रतिनिधी सम्मिलित टोलीले अनुगमन गरेको हो ।