तमुवान आदिवासी जनजाति बृहत् सम्मेलन सुरु

लिम्वूवान डट व्लगस्पोट डटकम,काठमाडौं 

 कास्की, वैशाख १७ - जातीय पहिचानमा आधारित संघीय प्रदेश र स्वायत्त क्षेत्र स्थापनाको माग गर्दै पोखरामा आइतबारदेखि आदिवासी जनजातिको बृहत सम्मेलन सुरु भएको छ । पोखराको चिप्लेढुङ्गाबाट सुरु भएको जनजातिको झाँकीसहितको जुलुस महेन्द्रपुल, नयाँबजार पृथ्वीचोक हुँदै अमरसिंहचोकमा पुगेर कोणसभागमा परिणत भएको छ । सम्मेलनलाई एमालेका अशोक राई, कांग्रेसका कुलबहादुर गुरुङ, माओवादीका देवप्रसाद गुरुङ, प्राध्यापक डा ओम गुरुङ, पृथ्वीसुब्बा गुरुङ, किरण गुरुङ, अमर गुरुङ तथा राजकुमार लेखीसहित आदिवासी नेता तथा अगुवाहरुले सम्बोधन गर्दै छन् । एक हजार प्रतिनिधि सहभागी भएको सम्मेलनमा झण्डै ५० लाख रुपैयाँ खर्च हुने आयेाजकले जनाएको छ । सम्मेलनले आदिवासी जनजातिको स्वदेशी अभियन्ताहरू र तमुवानमा थातथलो भएका आदिवासी जनजाति संघ संस्थाको अवधारणापत्र प्रस्तुत गर्नुको पोखरघोषणपत्र जारी गरिने छ । सम्मेलन १९ गतेसम्म सञ्चालन हुने छ ।