अपहरित नेपाली युवकलाई भारत लगियो

लिम्वूवान डट व्लगस्पोट डटकम,काठमाडौं 

नेपालगन्ज, वैशाख ८ - राति घरमै आएका मुकुण्डो धारीको समूहले एक जना नेपाली युवालाई अपहरण गरी भारतीय जंगलतिर लगेर वेपत्ता पारेका छन् । सिमावर्ति हिरमिनिया गाविसका-८का २७ वर्षीय भुपेन्द्र सिंहलाई अज्ञात समुहले जबजस्ति घरबाट लगेर बेपत्ता बनाएको हो । साझ खाना खाइसकेपछि घर नजिकैको पसलमा कुरा गरेर बसिरहेका बेला बिहीबार राति ५/६ जनाको सख्यामा भएका मुकुण्डोधारीले आफना कमाण्डरलाई भेट्न हिँड् भन्दै सिंहलाई लगेको स्थानीयबासिन्दाले बताएका छन् । अपहरणपछि चिन्तित परिवारमा रुवाबासी चलेको छ । किन र कस्ले लगेको भन्ने थाहा नपाएका आमा बाबु छोराको खोज र उद्धारका लागि हारगुहार गरि रहेका छन । अपहरणको सूचना पाउना साथ पुगेको प्रहरीले सिमाबर्ती क्षेत्रमा खोजि भइरहेको जनाएको छ । 'भारतीय समकक्षीसँग खोजी र उद्धारका लागि कुरा भएको छ,' जिल्ला प्रहरी कार्यालय बांकेका एसपी बिक्रमसिंह थापाले भने,' सबै तिर प्रहरी परिचालन गरिएको छ ।' उनले अपहरणको कारणको खोजि र अनुसन्धान भइरहेको बताए । सि‍‌ह परिवारका एउटा मात्र छोरा हुन् । उनको खोजिका लागि रातीदेखिनै प्रहरी परिचालन भए पनि शुक्रबार दिउँसो सम्म कुनै अत्तोपत्तो लागेको छैन ।