हंसपुरमा दुर्घटना हुँदा कम्तिमा १८ जनाको मृत्यु

लिम्वूवान डट व्लगस्पोट डटकम,काठमाडौं

०८नोभेम्बर,२००९,अर्घाखाँचीको हंसपुरमा आज आइतबार बिहान भएको यात्रुबस दुर्घटनामा १८ जनाको मृत्यु भएको छ । प्राप्त समाचार अनुसार आज बिहान साँढे ६ बजेतिर हंसपुरबाट सदरमुकाम सन्धीखर्क तर्फगईरहेको लु१ख ३९८७ नम्बरको बस हंसपुर गाविस वडा नं ३ स्थित लामाभीरबाट करिब डेढ किलोमीटर तल खसेर दुर्घटनाग्रस्त भएको थियो ।दुर्घटनामा दर्जनौं घँइते भएका छन । बस अप्ठेरो भीरमा खसेकाले उद्धार कार्यमा कठिनाई भएको प्रहरीले जनाएको छ । दुर्घटनामा गोखुङ्गा - ७ का बाबुराम पौडेल , नविन पौडेल , केशावती पौडेल र उहाको एउटा बच्चाको मृत्यू भएको छ । त्यसैगरि गोखुङगा ७ कै प्रेम पौडेल र उहाकी नातीनी , गोखुङगाकी मिरा पौडेल र उहाको एक बच्चाको मृत्यू भएको अर्घाखाँची प्रहरीले जनाएको छ ।अन्य मृतकहरुमा गोखुङ्गा ९ का उमेश खनाल , हंसपुर ३ का भूप बहादुर र्घर्ती मगर , जमुना हम्जाली , हर्रि्रसाद पन्थि र नन्दी र्घर्ती मगर रहेका छन् । मृत्यु भएका ३ जनाको भने अझै सनाखत हुन सकेको छैन घटनास्थल सदरमुकामबाट झण्डै १० कोष पश्चिममा रहेको छ । हाल उद्धार कार्य जारी रहेको प्रहरीले जनाएको छ । मृतकहरुको सनाखत नभए पनि अधिकांश मृतक हंसपुर गाविसकै भएको बताइएको छ । बसमा ४० भन्दा बढी यात्रु यात्रारत रहेको प्रारम्भिक अनुमान गरिएको छ ।