चिनियाँ जन कांग्रेसकी उपाध्यक्ष चेन झली नेपाल आउँदै

लिम्वूवान डट व्लगस्पोट डटकम,काठमाडौं

उपसभामुख पूर्णकुमारी सुवेदीको निमन्त्रणामा चिनियाँ जन कांग्रेसकी उपाध्यक्ष चेन झली १६ सदस्यीय प्रतिनिधि मण्डलको नेतृत्व गर्दै भोलि नेपाल आउनु हुने भएको छ । अखिल चाइना महिला महासंघकी अध्यक्ष समेत रहेकी चेन संयोजकत्वको टोलीले भोलिदेखि २४ सम्म नेपालको भ्रमण गर्नेछ । भ्रमणका क्रममा चिनियाँ प्रतिनिधि मण्डलले राष्ट्रपति रामवरण यादव, प्रधानमन्त्री बाबुराम भट्टराई र संविधानसभा अध्यक्ष सुवास नेम्वाङ लगायतसँग भेटवार्ता गर्ने कार्यक्रम छ । टोलीले चैत २३ गते संविधानसभाका सदस्यहरुसँग संविधान निर्माण प्रक्रियाबारे छलफल गर्ने कार्यक्रम रहेको संसद सचिवालयले जनाएको छ ।