लागू औषध नियन्त्रणका लागि गएको प्रहरी टोलीमाथि आक्रमण

लिम्वूवान डट व्लगस्पोट डटकम,काठमाडौं

बाँके, चैत्र २० - नेपालगन्ज-५ मा ब्राउन सुगर बिक्री भइरहेको भन्ने सूचनाका आधारमा त्यसतर्फ गएको प्रहरी टोलीमाथि आक्रमण भएको छ । संगठित रुपमा लागू औषध बिक्री वितरण गरिरहेकाहरुले प्रहरी टोलीकै पेस्तोल खोसेर जाइलागेका थिए । गोली प्रहारबाट प्रहरी जवान अनुरुप पाण्डे घाइते भएका छन् । उनको दायाँ खुट्टामा गोली लागेको छ । घाइतेको उपचारका लागि काठमाडौं पठाइसकिएको छ । घटनामा सम्लग्न नेपालगन्ज ६ का बिहान खान पक्राउ परेको प्रहरीले जनाएको छ ।