जेठ १४ सम्म राजधानी नछाड्न काँग्रेस सभासदलाई ह्विप

लिम्वूवान डट व्लगस्पोट डटकम,काठमाडौं

प्रमुख प्रतिपक्षी दल नेपाली काग्रेसले सरकारले प्रस्तुत गरेको संविधानसंसोधन विधेयकमाथि छलफल हुने भन्दै आफ्ना सम्पूर्ण सभासदहरुलाई जेठ १४ गतेसम्म राजधानी नछाड्न र संसदमा उपस्थित हुन ह्वीप जारी गरेको छ । मुख्य सचेतक लक्ष्मण प्रसाद घिमिरेले आज एक सूचना प्रकासित गर्दै त्यस्तो ह्वीप जारी गर्नुभएको हो । ह्वीप मा नेपाल सरकारको तर्फ बाट नेपालको अन्तरिम संविधान २०६३ लाई संशोधन गर्न बनेको विधेएक २०६८ संविधान सभाको म्याद १ वर्ष थप गर्ने बारे निकट भविश्यमा नै व्यवस्थापिका-संसदमा प्रस्तुत हुने भएकोले २०६८ जेष्ठ ८ गते देखि जेष्ठ १४ गते सम्म काठमाण्डौं उपत्यका बाहिर नजान र व्यवस्थापिका-संसदको बैठक वस्ने २०६८ साल जेष्ठ ८ गते सहितका दिनहरुमा अनिवार्य उपस्थित हुन यो भनिएको छ । नेपाली काग्रेस अहिलेसम्म सो सरकारी प्रस्तावको विपक्षमा उभिदै आएको छ ।