पूर्वयुराज पारश शाह फेरि विवादमा

लिम्वूवान डट व्लगस्पोट डटकम,काठमाडौं

जेष्ठ ५ - पूर्व युवराज पारश शाहले दरवारमार्गस्थित याक एण्ड यति होटल परिसरमा रहेको रोयल क्यासिनामा मंगलवार मध्यराती हात हालाहाल गरेका छन् । रोयल क्यासिना शाहको बहिनी प्रेरणा शाहको श्रीमान राजबहादुर सिंहको स्वामित्वमा छ । समाचार श्रोतका अनुसार शाहले क्यासिनोमा कार्यरत सुरक्षाकर्मी टेकबहादुर चन्दलाई कामबाट निकालेको झोंकमा जनरल मेनेजर शैलेन्द्र शमशेर राणालाई दुर्व्र्यवहार गरेका थिए । शाहले मेनेजर राणालाई भनाभनका क्रममा हात समेत हालेपछि केही समय क्यासिनामा तनाव उत्पन्न भएको थियो । प्रत्यक्षदर्शीका अनुसार भनाभनकै क्रममा हातहालाहालको स्थिती उत्पन्न भएपछि खालमा खेलिरहेको जुवाडे र कर्मचारीहरु समेत लाखापाखा लागेका थिए । आफनो कारणले क्यासिनोमा भागाभागको स्थिती सिर्जना भएको देखेपछि पारस क्यासिनोमबाट करीब १५ मिनेटमै बाहिरिएका थिए । जनरल मेनेजर राणाले भने पूर्वयुवराज शाह र आफूबीच कुनै हातपात र चर्चामा आए जस्तो घटना नभएको बिज्ञप्ती जारी गरेर बताएका छन ।