सडक र सदन आन्दोलन चर्काउने भो माओवादीले

लिम्वूवान डट व्लगस्पोट डटकम,काठमाडौं
२० फेब्रुअरी,२०१०,एकीकृत माओवादीको केन्द्रीय समितिको आज शनिबार बस्ने बैठकले तीन महिने कार्ययोजना तय गर्ने भएको छ । हालै सम्पन्न दुई दिने राष्ट्रिय प्रशिक्षण भेलाको सुझावको आधारमा उसले पार्टीको भावी कार्यदिशा तय गर्ने भएको छ । आज बस्ने केन्द्रीय समितिको बैठकले शुक्रबार बसेको स्थायी समितिको बैठकले गरेका निर्णयहरु अनुमोदन गर्ने माओवादीस्रोतले जनाएको छ । बैठकले तीन महिने जनपरिचालन कार्यक्रम तय गर्ने भएको छ । स्थायी समितिको बैठकले नयाँ संविधान निर्माणका लागि जनदबाब सिर्जना गर्ने निर्णय गरेको थियो । माओवादीले निर्धारित समयमा संविधान जारी गर्नको लागि आलटाल हुन लागेको भन्दै संविधान जारी गर्न दबाबस्वरुप सदन र सडक आन्दोलन चर्काउने निर्णय गरेको छ ।