कर्मचारीले ओलीको गाडी खोस्दा एमालेमा हलचल

लिम्वूवान डट व्लगस्पोट डटकम,काठमाडौं

८,फेब्रुअरी,२०१०,एमालेका प्रभावशाली नेता केपी शर्मा ओली चढ्दै आएको गाडीमाओवादी समर्थित नेपाल बिद्युत प्राधिकरणका कर्मचारीहरुले खोसेका छन् । बुधबार दिउँसो इन्धन मर्मत खर्च लिन प्राधिकरण गएको बेलामा ओली चढ्दै आएको बा५च ४७१८ नम्बरको निसान गाडीकर्मचारीहरुले खोसेका हुन् । प्राधिकरणले ओलीलाई केही महिना अगाडिदेखि उक्त गाडी उपलब्ध गराएको थियो । माओवादी निकट नेपाल राष्ट्रिय कर्मचारी संगठन र कर्मचारी कल्याण परिषदले भने प्राधिकरणको गाडी अनाधिकृतरुपमा प्रयोग भईरहेकाले मर्मत तथा तेल लिन आएका बेला गाडीको साँचो लिएको जनाएको छ । यसैबीच एमालेले उक्त कार्यको विरोध गर्दै आइन्दा यस्तो कार्य नगर्न चेतावनी दिएको छ । नेता ओलीले पूर्व गृहमन्त्रीका हैसियतमा सरकारले उपलब्ध गराउँदै आएको सुविधा अनुरुप आफूले प्रयोग गरेको वताए ।