स्पेशटाइम नेटवर्कका अध्यक्षलाई गोली प्रहार गरि हत्या

लिम्वूवान डट व्लगस्पोट डटकम,काठमाडौं

माघ २४ - स्पेशटाइम नेटवर्कका अध्यक्ष जमिम शाहको आइतवार अपरान्ह गोली प्रहार गरि हत्या गरिएको छ । उनलाई राजधानीको लाजिम्पाटमा दुई जना अपरिचित व्यक्तिले गाली प्रहार गरेका थिए ।गोली लागेका शाहलाई उपचारको लागि शिक्षण अस्पतालमा पुर्‍याएका थिए । उनलाई अस्पतालले चार बज्नु अगावै मृत घोषणा गरेका हुन् । उनीसंगै गोली लागेर घाइते भएका सामाखुशीका व्यापारी मथुरामान मालाकारको उपचार भइरहेको छ । शाहको छातीमा र मालाकारको तिघ्रामा गोली लागेको थियो । बा १५ प ८७३३ नम्वरको मोटरसाइकलमा आएका कालो कपडा लगाएका अपरिचित व्यक्तिले बा १ च २१५१ नं. को शाहको निजी कारमा सवार उनीहरुलाई अन्धाधुन्द गोली हानेका थिए । अपराधीको खोजी भइरहेको प्रहरीले जनाएको छ ।