यौनजन्य क्रियाकलापमा संलग्न ६ जोडीलाई पक्राउ

लिम्वूवान डट व्लगस्पोट डटकम,काठमाडौं

धरानका विभिन्न होटलमा छापा मारी प्रहरीले यौनजन्य क्रियाकलापमा संलग्न ६ जोडीलाई पक्राउ गरेको छ । प्रहरीले धरान-धनकुटा सडकखण्डअन्तर्गत डुकु्, रिया र सिंगापुरे होटलमा छापा मारी आपत्तिजनक अवस्थामा रहेका ६ जोडीलाई पक्राउ गरेको हो । सामाजिक मर्यादाविपरीत यौनजन्य क्रियाकलाप भइरहेको सूचनाका आधारमा होटलमा छापा मार्दा उनीहरु पक्राउ परेको इलाका प्रहरी कार्यालयका डिएसपी राजेन्द्र विष्टले बताउनुभयो । पक्राउ परेकाहरुलाई सार्वजानिक मुद्दा लगाउने तयारी भइरहेको प्रहरीले जनाएको छ । धरानमा रहेका होटलहरुमा यौनजन्य क्रियाकलाप बढिरहेको जनगुनासो आएपछि प्रहरीले छापा मारेको हो । यस्ता गतिविधि रोक्न कारबाही जारी रहने प्रहरीले जनाएको छ ।