माओवादीका सात मन्त्रीले आफ्नो पद छाडे

लिम्वूवान डट व्लगस्पोट डटकम,काठमाडौं

महरासहितिका माओवादीका सात मन्त्रीले आफ्नो पद छाडेका छन् । सोमबार गृहमन्त्री कृष्णवहादुर महराको नेतृत्वमा उनीहरुले सरकार छाडेका हुन् । आइतबार सम्पन्न केन्द्रीय कमिटी बैठकले नयाँ मन्त्रीहरूको नाम छनोट गरिसकेको अवस्थामा नयाँ टिमलाई मार्गप्रशस्त गर्न राजिनामा दिएको बताइएको छ । सरकार छाड्ने मन्त्रीहरुमा महरासहित सूचना तथा सञ्चारमन्त्री अग्नि सापकोटा, स्वास्थ्य मन्त्री शक्तिवहादुर बस्नेत, भूमिसुधार मन्त्री रामचरण चौधरी, युवा तथा खेलकुद मन्त्री हितवहादुर तामाङ, शान्ति मन्त्री विश्वनाथ शाह र भूमिसुधार राज्यमन्त्री हकिकुल्लाह खाँ रहनुभएको छ ।