माओवादीले सिफारिस गरेका मन्त्रीलाई सपथ नगराए समर्थन फिर्ता लिने

लिम्वूवान डट व्लगस्पोट डटकम,काठमाडौं

एकीकृत नेकपा माओवादीले भोलीसम्म पार्टीले सिफारिस गरेका मन्त्रीहरुलाई सपथ नगराए सरकारलाई दिएको समर्थन फिर्ता लिने निर्णय गरेको छ । आज बसेको पार्टीको स्थायी कमिटिको बैठकले पार्टीले सरकारमा पठाउने निर्णय गरेका नेताहरुलाई मन्त्रीपदको सपथ नखुवाए सरकारलाई दिएको समर्थन फिर्ता लिने निर्णय गरेको प्रवक्ता दिनानाथ शर्माले जानकारी दिएका छन् । बैठकले सरकारमा पार्टीका तर्फबाट सहभागी मन्त्रीहरुलाई यस अघिनै फिर्ता बोलाएर नयाँ टिम पठाउने निर्णय गरिसकेकोले आज साँझसम्ममा पदबाट राजिनामा दिन निर्देशन पनि दिएको छ ।