राजधानीमा फेरि बम विस्फोट हुने चेतावनी

लिम्वूवान डट व्लगस्पोट डटकम,काठमाडौं

सोमबार राजधानीमा भएको बम विस्फोटको जिम्मा लिने संयुक्त जातीय मुक्ति मोर्चाको नामबाट मंगलबार दिउँसो नारायणहिटी राजदरबारमा रहेको नेपाली सेनाको उपत्यका पृतनामा एक अज्ञात व्यक्तिले फोन गरी राजधानीमा फेरि बम विस्फोट हुने चेतावनी दिएको छ । सुदूरपश्चिमाञ्चलको प्रिपेड मोबाइल फोन प्रयोग गरी उक्त धम्की दिइएको पृतना स्रोतले जानकारी दिएको छ । उक्त फोन पृतनामा आएपछि पृतनाले सैनिक मुख्यालयलाई जानकारी गराएको र मुख्यालयले सबै सुरक्षा निकायलाई पृतनामा आएको फोनको बारेमा जानकारी गराएपछि सुरक्षा निकाय हाई अलर्टमा बसेको थियो । सुरक्षा निकायले राजधानीका संवेदनशील क्षेत्रमा छापा मारेको थियो । सुरक्षा निकायले राज्यका प्रमुख प्रशासनिक क्षेत्रमा उल्लेख्य मात्रामा सादापोशाकका प्रहरी परिचालन गरेको थियो ।