सेना समायोजनको कार्ययोजना कांग्रेस एमालेले नमान्ने

लिम्वूवान डट व्लगस्पोट डटकम,काठमाडौं

प्रतिपक्षी दल नेपाली कांग्रेस र नेकपा एमालेले दलीय सहमति विपरित सेना समायोजनको कार्ययोजना आएको भन्दै त्यो आफूहरुलाई मान्य नहुने बताएका छन् । एमाले र कांग्रेसले सात बुँदे सहमति विपरित हुने समायोजनको प्याकेज आफूहरुलाई कुनै हालतमा पनि मान्य नहुने स्पष्ट पारेका छन् । रिपोर्टर्स क्लबले राजधानीमा आयोजना गरेको कार्यक्रममा सेना समायोजन विशेष समितिका सदस्य कांग्रेस नेता डा. रामशरण महहत र एमाले नेता भीम रावलले यस्तो बताएका हुन् । उनीहरुले लडाकु समयोजनका लागि नेपाली सेनाले तयार गरेको प्रस्तावको प्रमुख प्रतिपक्षी कांग्रेस-एमालेले एकतर्फी भनी टिप्पणी गरेका छन् । प्रस्ताव छलफल नै नभई सार्वजनिक गर्नु मुलुककै लागि दुर्भाग्यपूर्ण भएको भन्दै उनीहरुले समायोजनमा जाने माओवादी लडाकुहरुको तह, पद र समायोजनको संख्या नेपाली सेनाको मापदण्ड पूरा गरेपछि मात्र टुंगो लाग्ने बताएका छन् ।