शान्ति सुरक्षाको माग गर्दै सरकारी कार्यालयमा तोडफोड

लिम्वूवान डट व्लगस्पोट डटकम,काठमाडौं

शान्ति सुरक्षा लगायतका आठ सुत्रिय माग राख्दै नेकपा एमालेका कार्यकर्ताले सिराहाका सरकारी कार्यालय बन्द गराउनुका साथै तोडफोड गरेका छन्। तेस्रो चरणको आन्दोलनका कार्यक्रम अन्तर्गत हिजोदेखि सरकारी कार्यालय बन्द गराएर आन्दोलनमा उत्रिएका एमाले कार्यकर्ताले आज मालपोत, विद्युत प्राधिकरण लगायतका सरकारी कार्यालय तोडफोड गरेका हुन्। तोडफोडमा उत्रिएपछि प्रहरी र एमाले कार्यकर्ताबीच ठाउँठाउँमा झडप समेत भएको छ। एमालेले जिल्ला प्रशासन कार्यालय घेराउको क्रममा प्रहरीसँगको झडपमा मृत्यु भएका हनुमाननगरका रामस्वरुप पासवानलाई सहिद घोषणा गर्नुपर्ने, जिल्लामा दुई महिना यता भएको प्रमुख तीन अपराधिक घटनाको छानबिन गर्न उच्च स्तरिय छानबिन आयोग गठन गर्नुपर्नेलगायतका माग गरेको छ। जसका कारण सरकारी कार्यालयमा कामकाज ठप्प भएको छ।