अवैध सम्बन्धबाट जन्मिएको शिशुको हत्या गर्ने बाबु-छोरी पक्राउ

लिम्वूवान डट व्लगस्पोट डटकम,काठमाडौं

जाजरकोट भूर गाविसमा नवजात शिशुको हत्या गरेको आरोपमा बाबु-छोरीलाई प्रहरीले पक्राउ गरेको छ। ५९ बर्षिय बाबु अमृत चन्द र २१ बर्षिया छोरी नन्दकलाको अवैध सम्बन्धबाट शिशु जन्मिएपछि गाउँलेले थाहा पाउने डरले दुबै मिलेर बच्चाको हत्या गरेको प्रहरीले जनाएको छ । केही दिन अघि शिशुको हत्या गरेर नजिकैको जंगलमा गाडेको तर स्यालले बच्चा बाहिर निकालेपछि घटना पर्दाफास भएको थियो। बेवारिसे अवस्थामा रहेको मृत शिशु देखेपछि स्थानीयले प्रहरीलाई खवर गरेको र अनुसन्धान गर्दा रहस्य खुलेको प्रहरीले जनाएको छ । श्रीमतीको मृत्यु भएपछि दुई बर्ष अघिदेखि अवैध रुपमा यौन सम्बन्ध कायम राख्दै आएका बाबु-छोरीले यस्तो कुकृत्य कसैले थाहा नपाउन् भनेर हत्या गरेको प्रहरी समक्ष स्वीकारेका छन् ।