बाबुले गरे आफ्नै तीनवटी छोरीको हत्या

लिम्वूवान डट व्लगस्पोट डटकम,काठमाडौं

मकवानपुरको फापरबारी ५ बाख्रेखोलाका ३५ वर्षिय भक्तबहादुर रुम्बाले आफ्नै तीनवटी छोरीको हत्या गरेका छन् । गएराति उनले छोरीहरु ९ वर्षिया अनितामाया, १० वर्षिया सुनितामाया र १२ वर्षिया लक्ष्मीमायाको हत्या गरेको जिल्ला प्रहरी कार्यालय मकवानपुरले जनाएको छ । रुम्बालाई प्रहरीले पक्राउ गरेको छ । उनले मानसिक सन्तुलन गुमाएर छोरीहरुको हत्या गरेको हुन सक्ने प्रहरीको प्रारम्भिक अनुमान छ । श्रीमती आफन्तको बिहामा भाग लिन घर बाहिर गएका बेला बाउले छोरीहरुको हत्या गरेको हो । प्रहरीले रुम्बालाई नियन्त्रणमा लिएको छ । घट्नास्थल हेटौडाबाट ५० किलोमिटर पूर्वमा रहेको छ ।