हङकङमा कबिता प्रतियोगिता हुने

लिम्वूवान डट व्लगस्पोट डटकम,काठमाडौं

बिगत केहि समय यता हङकङमा साहित्यिक जमघट पातलिदै गएको बेला आउदो फेब्रुअरी २६ तारीखका दिन हिन्सको कार्यलय याउमातेर्इमा दिनको १२ बजेबाट हंङकंङब्यापि कबिता प्रतियोगिता हुने भएको छ । सो दिन यहाँका ब्यस्त कविहरु आफूलाई कबितामा सजाउने भएका छन् । उक्त प्रतियोगीता खोटांग टेम्के तुवाचुङ साहित्यिक पुरस्कार अक्षयकोष निर्माण समितीको आयोजनामा हुन गैरहेको हो । आयोजकले अप्रतियोगी कबिताहरुलाई पनि यथेष्ट अवसर र प्राथमिकतामा राख्ने पनि जनाईएकोछ । अक्षयकोष निर्माणको शिलसिलामा सो समितीले गर्ने साहित्यको गतिबिधिको एक आयाम स्वरुप हङकङका स्रष्टाहरुलाई आफ्ना सुन्दर सृजनाहरु साहित्यानुरागीहरुमा पस्कने एउटा सँयोग जुराउन लागेको हो । गतबर्ष आयोजकले हङकङमा खोटाङगे स्रष्टाको सृजनाहरु कविता कृति प्रकाशन गरेर हङकङको नेपाली साहित्य फाँटमा एउटा इटा थपेको थियो । उक्त कार्यक्रमलाई मूलबाटो डटकमले प्रत्यक्ष प्रसारण गर्ने भएकोछ ।