राज्य पुनर्संरचना आयोगको दुवै प्रतिवेदनमा हङकङका लिम्बुहरु असन्तोष

लिम्वूवान डट व्लगस्पोट डटकम,काठमाडौं

रविन लिङदेन “आम्भु जेठा” – हङकङ, २७ फेव्रअरी, संयुक्त लिम्बुवान मोर्चा हङकङले राज्य पुनर्संरचना आयोगबाट लिम्बुवान राज्य प्रस्तावित सिमा सम्वन्धि एक अन्तरक्रिया कार्यक्रम गरेको छ । शनिवार साँझ भएको उक्त कार्यक्रममा राज्य पुनर्संरचना आयोगको प्रतिवेदन माथि हङकङका लिम्बुहरुले असन्तोष प्रकट गरेका छन । आदिवासि जनजाती पत्रकार महासंघका अध्यक्ष भुपेन्द्र चेम्जोङले राज्य पुनर्संरचना आयोगको प्रतिवेदनमा राइ र लिम्बुहरुको विचमा विभाजन गराउने सडयन्त्र गरेको वताए । उनले लिम्बु र राइ विचमा द्घन्दको सृजना गरि जातिय राज्य समाप्त पार्ने उदेश्य लिएको भन्दै घोर भत्र्सना गरेका छन । लिम्बुवान राष्ट्रिय मुक्ति मोर्चा हङकङका अध्यक्ष एम वी थोप्राले कार्यक्रममा वोल्दै राज्य पुनर्संरचना हुदाँ सवैलाइ समेट्ने वैज्ञानिक ढंगको हुनुपर्ने वताएका छन । उनले धनकुटालाइ लिम्बुवान बाट टाढा वनाएमा आफुहरुले युद्घ गरेको कुनै अर्थ नरहने वताए ।

मञ्च सम्बन्ध संघिय लिम्बुवान राज्य परिषद हङकङका अध्यक्ष नवराज काम्बाङले आयोगको प्रतिवेदनले नौ जिल्ला नसमेटेकोले अव सिमा केन्द्रित निर्णायक आन्दोलन हुने वताए । उनले लिम्बुवानको नौ जिल्ल संघर्ष समिति गठन गर्ने वताएका छन । एकिकृत नेकपा माओवादि हङकङका पार्टि जिल्ला सचिव जे. वि. ओख्रावुले वहुमतद्घारा परित प्रतिवेदनले जातिय क्षेत्रिय समस्यालाइ सम्बोधन गरेको वताए । उनले राज्य पुनर्संरचना गर्दा, अस्थिरपञ्जर मात्र होइन, वडी सहितको हुनुपर्ने भनेका छन । सचिव ओख्रावुले धनकुटालाइ किरातमा पार्नु हुदैन भनेका छन ।

(नेकपा एमाले) नेपाल लोकतान्त्रिक किरात संघ हङकङका अध्यक्ष ओमराज सम्बाहाम्फेले आफु पहिला लिम्बु र अनि मात्र नेकपा एमाले भएको वताए । उनले ठुला दललेनै निर्णय गर्ने हुनाले जनजातिहरुले आ–आफ्नै पार्टिमा आन्दोलन गर्नुपर्ने वताए । जनजातिहरुले आफ्नो पर्टि भित्र लडाइ गरेमा मात्र पहिचान प्राप्त हुने वताउदै, प्रतिवेदनमा सम्बाहाम्फेले रोष प्रकट गरेका छन ।

लिरामु उपाध्यक्ष हस्त मास्वाले लिम्बुवानमा पटक पटक धोका भएको वताउदै, अव लिम्बुहरु झुक्किनु नहुने वताए । उनले आन्दोलनमा लिम्बुहरु कहिले नहारेको वताए । आफ्नो अस्तित्वलाइ वचाउन जस्तो सुकै कदम चाल्न सकिने मास्वाले वताए । अर्का लिम्बुवान मुक्ति मोर्चा हङकङका अध्यक्ष प्रकाश यक्सोले आयोगको दुवै प्रतिवेदन प्रति असन्तुष्टि जनाएको छ । संयुक्त लिम्बुवान मोर्चाको संयोजन किरात याक्थुङ चुम्लुङ हङकङका अध्यक्ष कृष्णराज लावतिले गरेका थिए । उक्त कार्यक्रमलाइ चुम्लुङका सचिव नन्द चङसुले संचालन गरेको थियो । सो कार्यक्रममा सदस्य लाजेसा आङवोहाङले स्वागत मन्तब्य राखेका थिए । स्वागत मन्तब्यमा वोल्दै राज्य पुनर्संरचना आयोगको प्रतिवेदनले लिम्बुहरुको निन्द्रनै हराएको आङवोहाङले वताए ।