सरकार परिवर्तनको खेलमा नलाग्न प्रधानमन्त्री भट्टराईको आग्रह

लिम्वूवान डट व्लगस्पोट डटकम,काठमाडौं

प्रधानमन्त्री डा. बाबुराम भट्टराईले विपक्षी दलहरुलाई सरकार परिवर्तनको खेलमा नलाग्न आग्रह गरेका छन् । ललितपुर जिल्ला विकास समितिको २१ औँ जिल्ला परिषदको उदघाटन कार्यक्रममा प्रधानमन्त्री भट्टराईले शान्ति प्रक्रिया र संविधान निर्माणमा प्रभाव पर्ने गरी सरकार परिवर्तनको खेलमा नलाग्न दलहरुलाई आग्रह गरेका हुन् । जेठ १४ भित्र संविधान जारी नभए देशमा भयावह स्थिति सिर्जना हुने भन्दै उनले शान्ति र संविधान निर्माण कार्यलाई अलपत्र पार्ने गरी काम नगर्न आग्रह गरे । कार्यक्रममा प्रधानमन्त्री भट्टराईले फागुनभित्र संविधान निर्माणको विषयमा महत्वपूर्ण उपलब्धि उल्लेख गर्दै प्रतिरोध गर्ने र सरकार ढाल्ने हर्कत गर्नु ठिक नभएको बताए ।