क्रिकेट विजयी महिला खेलाडीलाई सरकारद्वारा दुई-दुई लाख

लिम्वूवान डट व्लगस्पोट डटकम,काठमाडौं

फागुन ४ एसीसी यु-१९ महिला क्रिकेट प्रतियोगताका विजयी खेलाडीलाई सरकारले प्रतिव्यक्ति २ लाख रुपियाँ प्रदान गर्ने निर्णय गरेको छ। बिहीबार बसेको मन्त्री परिषदको बैठकले खेलाडीका साथै प्रशिक्षकलाई पनि त्यति नै रकम दिने निर्णय गरेको छ। माघको अन्तिम साता नेपाली टोलीले थाइल्यान्डलाई पराजित गर्दै कुवेतमा सम्पन्न तेस्रो एसियाली यु-१९ क्रिकेट प्रतियोगितामा प्रथम स्थान हासिल गरेको थियो। प्रतियोगितामा नेपालले लगातार उपाधि जितेको यो तेस्रो पटक थियो। यसअघि सन् २००८ र २०१० मा नेपालले यस प्रतियोगिताको उपाधि जितेको थियो। यसअघि नेपाल क्रिकेट सङ्घ (क्यान) ले उपाधि जित्ने नेपाली खेलाडीहरुलाई प्रति व्यक्ति २० हजार रुपियाँ उपलब्ध गराएको थियो।