News

Feb 23, 2012

हङकङमा जनयुद्घको १७ औं वार्षिकोत्सव सम्पन्न

लिम्वूवान डट व्लगस्पोट डटकम,काठमाडौं
रविन लिङदेन – हङकङ, फेब्रुअरी २०, ए. नेकपा (माआवादी) पार्टीको हङकङमा वैधानिक रुपमा कार्यक्रम संचालन गर्दै आएको संस्था ‘नेपाली जनसरोकार समाज हङकङ’ले महान नेपाली जनयुद्घको १७ औं वार्षिकोत्सव आइतवार सम्पन्न गरेको छ । ए. नेकपा (माआवादी) पार्टीको अघिल्लो महिना मात्र मेलमिलाप भएको दुइ समुह विच, आर्थिक पारदर्शिताको सवालमा खटपट भएको समाचार आए लगतै, सहसचिव पवन वस्नेत तथा उनको समुह र मगर राष्ट्रिय मुक्ति मोर्चा प्रवास समितिले पार्टीको कार्यक्रममा उपस्थिति जनाएनन् ।
कार्यक्रमका प्रमुख अतिथि ए. नेकपा (माओवादी) जिल्ला पार्टी सचिव जे. वी. ओख्रावुले महान जनयुद्घको वलबाटनै नेपालीहरु यहाँ सम्म आएको वताए । उनले पार्टीको झण्डा मुनी गोलवन्द रहि वर्गीय, जातिय, क्षेत्रिय, मधेसी, दलित, महिला मुक्तिको लागी संघर्ष गर्ने साथिहरु झिनो मसिनो कुरामा अल्झिनु नहुने वताए । पार्टीको साथिहरु अनुपस्थित रहेकोमा ‘महान जनयुद्घलाइ हामिले कतै उपहास गरिहेको त छैनौ’ भन्दै प्रश्न राखे । यसलाइ आफु पार्टीको जिम्मेवार व्यक्ति भएकोले गंभिर रुपमा लिएको सचिव ओख्रावुले वताएका छन ।
लिम्बुवान राष्ट्रिय मुक्ति मोर्चा प्रवास समिति हङकङका अध्यक्ष एम. वी. थोप्राले सदियौ देखी नेपालमा राजनैतिक रुपमा वर्गीय र जातिय समस्या भएको वताए । उनले जनयुद्घको वलवाट मात्र संघिय गणतन्त्रको सुरुवात भएको भनेका छन । यसलाइ संस्थागत गर्न एक जुट भएर अगाडी वड्नुको विकल्प नरहेको उनले वताए ।
कार्यक्रममा बोल्दै नेपाली जनसरोकार समाज हङकङका अध्यक्ष विष्णु गुरुङले जातीय समस्या यथावत रहेको वताए । उनले यो अवस्थामा पार्टी र जातिय मोर्चाहरु चाहे नेपालमा होस या विदेशमा होस एक जुट भएर मात्र समस्याको समाधान हुने वताए ।
सहसचिव पवन वस्नेतले महान नेपाली जनयुद्घलाइ सर्वोपरि ठानेका छौं, भन्दै पार्टीको विचारलाइ अंगीकार गर्ने, फोन मार्फत हामिलाइ वताएका छन । उनले हङकङमा पार्टी एकता भए पनि केही व्यक्ति संग भावनात्मक एकता भइनसकेको वताए । त्यस्ता व्यक्तिहरु सफा मन लिइ सुधारिनु पर्ने वस्नेतले वताएका छन । उनले पार्टीलाइ वुझाउनु पर्ने रकम आफुले पार्टी सचिवलाइ वुझाइ सकेको वतए । पार्टीको कार्यक्रममा ज्यानको असुरक्षा हुने भन्दै अनुपस्थित भएको वस्नेतले संचारकर्मीसंग वताएका छन ।
मगर राष्ट्रिय मुक्ति मोर्चा हङकङको अध्यक्ष वसन्त थापा मगरले हिन्सको अध्यक्ष संग असहमत भएको कारण हिन्सलाइ वहिस्कार गरेको हो, पार्टीको कार्यक्रमलाइ होइन, फोन मार्फत हामिलाइ भनेका छन । उनले हिन्स र मगर राष्ट्रिय मोर्चाको खटपट पार्टी संग पनि जोडिएकोले, अव पार्टी मार्फत मात्र मिल्न सकिने वताए । हिन्स भन्दा वाहिर कार्यक्रम भएमा आफुहरुले सहभागि जनाउने अध्यक्ष थापा मगरले वताएका छन ।
१७ औं वार्षिकोत्सवको अवसरमा नेपाली जनसरोकार समाज हङकङ र ए–नेकपा मओवादी पार्टीले दाश्रो अधिवेशन वाट आएका किराती राष्ट्रिय मुक्ति मोर्चा र काउलुन एरिया कमिटिलाइ खदा ओढाएर स्वागत गरेका थिए । उक्त अवसरमा जनसरोकार समाजको उपाध्यक्ष धिरेन्द्र राइ, महासचिव जिमि हाङखिम, सहसचिव राजु गुरुङ, सदस्य तथा पत्रकार चन्द्र दुमि राइ, किराती राष्ट्रिय मुक्ति मोर्चाका उपाध्यक्ष कमला राइ, तमु राष्ट्रिय मुक्ति मोर्चाको अध्यक्ष वेल बहादुर तमुले आ–आफ्नो मन्तब्य राखेका थिए ।

No comments: