ट्याक्टर दुर्घटनामा बेहुली सहित चारको निधन

लिम्वूवान डट व्लगस्पोट डटकम,काठमाडौं

बर्दिया, फाल्गुन १३ - बिबाह बन्धनमा बाँधिएको केही घण्टा भित्रै भएको ट्याक्टर दुर्घट्नामा बेहुली सहित चार जनाको निधन भएको छ । पूर्व पश्चिम राजमार्गको चिसापानी पोष्ट नजिकै शुक्रबार राति बेहुली बोकेको भे.१.त ३८४८ नम्बरको ट्याक्टर दुर्घट्ना भएको हो । ठाकुरद्वारा गाविस-२ की बेहुली २० वर्षकी पुष्पा चौधरी,१८ वर्षीया करिश्मा चोधरी र १३ वर्षीय सुष्मा चौधरीको घट्नास्थलमै मृत्यु भएको प्रहरीले जनाएको छ । गम्भीर घाइते २२ वर्षीय निर्मला चौधरीलाई उपचारर्थ कोहलपुर लगिदैं गर्दा निधन भएको प्रहरी उपरीक्षक रामकृपाल साहले बताए । ट्याक्टरमा सवार अन्य २९ जना घाइते छन् । अनियन्त्रित भएर ट्याक्टर पल्टिएको हो । थारु संस्कृति अनुसार बेहुला अर्कै गाडीमा रहेकाले उनी जोगिएका छन् ।