वाइसीएका माग पुरा गर्न माओवादी नेतृत्व तयार

लिम्वूवान डट व्लगस्पोट डटकम,काठमाडौं

एकीकृत माओवादीको भातृ संगठन वाइसिएलका सबै माग पुरा गर्न माओवादी नेतृत्व तयार भएको छ । आज माओवादीको पार्टी कार्यालय पेरिसडाँडामा भएको छलफलमा माओवादी नेतृत्व वाइसीएलले उठाएका सबै माग पुरा गर्न तयार भएको हो । आजको छलफलमा पार्टी अध्यक्ष पुष्पकमल दाहालले वाइसीएलका माग पुरा गर्ने प्रतिबद्धता जनाएका छन् । माओवादी लडाकुको समायोजन प्रक्रियाको अन्तिम समयमा आएपछि वाइसीएलले विभिन्न माग राखी आन्दोलन चर्काइरहेका बेला पार्टीले उनीहरुका मागको सम्बोधन गर्ने प्रतिबद्धता जनाएको हो । वाइसीएल अध्यक्ष गणेशमान पुनका अनुसार पार्टी अध्यक्ष दाहालले वाइसीएलका समस्यालाई समाधान गर्ने प्रतिबद्धता जनाएका हुन । पुनले भने ‘पार्टीले एकमुष्ठरुपमा वाइसीएल लगायत अन्य भातृ संगठनमा देखिएको समस्या समाधन गरेर पार्टीलाई बलियो बनाउने योजना ल्याउने र जनताको सेवामा परिचालन गर्ने वचन अध्यक्षले दिनुभएको छ ।’