संसद्‍को विचारधीन विधेयकबारे प्रधानमन्त्री र पौडेलबीच छलफल

लिम्वूवान डट व्लगस्पोट डटकम,काठमाडौं

फागुन ४- प्रधानमन्त्री बाबुराम भट्टराई तथा नेपाली कङ्ग्रेस संसदीय दलका नेता रामचन्द्र पौडेलबीच आज सिंहदरबारमा भेटवार्ता भएको छ। नेता पौडेलले संसदमा विचाराधीन रहेका तीनवटा विधेयकबारे आफ्नो पार्टीको धारणा प्रधानमन्त्रीलाई अवगत र ती विधेयकलाई कङ्ग्रेसले परिमार्जन र सुझावसहित पारित गर्ने सोच बनाएको भेटपछि पत्रकारलाई जानकारी दिए। उनले ती विधेयक पारित नभए राष्ट्रले ठूलो क्षति भोग्नुपर्ने र अन्तर्राष्ट्रिय समुदायमा समेत बदनाम हुने तथ्यप्रति प्रधानमन्त्रीको ध्यानाकर्षण गराएको उल्लेख गरे। प्रत्युत्तरमा प्रधानमन्त्री भट्टराईले आफ्ना पार्टीभित्रको आन्तरिक समस्या समाधान गरी पारित गर्न पहल गर्ने आश्वासन दिनुभएको नेता पौडेलले बताए। सम्पत्ति शुद्धीकरणसम्बन्धी अपराध निवारण, सुपुर्दगी सन्धि र पारस्परिक कानुनी सहायता विधेयकहरु अहिले संसदमा विचारधीन अवस्थामा छन्।