नेपाल र भारतका सांसदबीच अन्तर्क्रिया हुने

लिम्वूवान डट व्लगस्पोट डटकम,काठमाडौं

नयां दिल्ली, फाल्गुन १२ - भारतका संसदहरुसंग द्धिपक्षीय चासोका विषयहरुमा संवादका लागि नेपालबाट करिब एक दर्जन सभासद् आगामी साता नयां दिल्ली आउने भएका छन् । भारतीय उद्योगीहरुको उच्च संगठन फिक्कीले बुधवार आयोजना गर्न लागेको एक दिने अन्तर्क्रिया कार्यक्रममा सहभागी हुन सभासद्समेत रहेका शीर्षनेताहरुलाई पनि निमन्त्रणा पठाइएको छ । यद्यपि शीर्षनेताहरु आउने, नआउनेबारे अझै यकीन भइनसकेको आयोजकले जनाएको छ । अन्र्तक्रिर्यामा सहभागी हुन माओवादी अध्यक्ष पुष्पकमल दाहाल, एमाले अध्यक्ष झलनाथ खनाल एवम् वरिष्ठ नेता माधवकुमार नेपाल, कंग्रेस संसदीय दलका नेता रामचन्द्र पौडेल, शीर्ष मधेशी नेतासहितका सभासद्हरुलाई निमन्त्रणा पठाइएको छ । शीर्ष नेताहरु नआए उनीहरुका प्रतिनिधिका रुपमा दोस्रो तहका नेताहरु नयां दिल्ली आउने बुझिएको छ । अन्तर्क्रियामा भारतीय पक्षबाट सहभागी हुने वरिष्ठ नेतामध्ये पूर्व विदेशमन्त्री जसवन्त सिंहको नाममात्रै हालसम्म बाहिर आएको छ । आयोजकले नेपाल र भारतबीच यस्तो खाले अन्र्तक्रिया पहिलोपटक हुन लागेको दावी गरेको छ ।

ट्र्याक टु कूटनीतिको अंगको रुपमा हामीले यो अन्र्तक्रिया आयोजना गर्न लागेका हौं । नेपाल र भारतबीच द्धिपक्षीय संवादलाई संस्थागत गर्न यो कार्यक्रम फलदायी हुने आशा छ, आयोजक समितिका एक जना पदाधिकारीले भने । यसअघि दुई मुलुकका सरकारको निमन्त्रणामा सांसदहरुको भ्रमण आदानप्रदान हुने गरेपनि नीजि क्षेत्रको पहलमा यस्तो अन्र्तक्रिर्या संस्थागत हुन सकेकेा छैन । नेपालसहित दक्षिण एसियाली मुलुकसंग संसदीय मञ्च बनाएर द्धिपक्षीय मामिलामा छलफल गर्दै अघि बढ्ने अवधारणा फिक्कीले हालसालैमात्रै ल्याएको हो । हालसम्म उपलब्ध भ्रमण योजना अनुसार, नेपाली टोली कार्यक्रम हुने अघिल्लो दिन मंगलवार नयां दिल्ली आइपुग्नेछ । कार्यक्रमको भोलिपल्ट बिहीवारै नेपाली संासदहरु काठमाडौं र्फकने आयोजकले जनाएको छ । नयां दिल्ली बसाईमा प्रधानमन्त्री मनमोहन सिंह र कंग्रेस अध्यक्ष सोनिया गान्धीसहितका शीर्ष भारतीय नेताहरुसंग नेपाली टोलीको भेट हुने वा नहुनेबारे अझै यकीन भइसकेको छैन । त्यसबारे आयोजकले बताउन नचाहेपनि भेटघाटको सम्भावनालाई पनि नकारेको छैन ।