विश्वकै होचा व्यक्ति ७२ वर्षीय चन्द्रबहादुर डाँगी काठमाडौंमा

लिम्वूवान डट व्लगस्पोट डटकम,काठमाडौं
विश्वकै होचा व्यक्तिको रुपमा गिनिज बुकमा नाम लेखाउन दाङका ७२ वर्षीय चन्द्रबहादुर डाँगी बुधबार काठमाडौं आइपुगेका छन् । बुधबार दाङ्गबाट प्लेनमा काठमाडौं आएका ७२ वर्षीय चन्द्रबहादुरको गिनिज बुकमा नाम लेखाउनको लागि गिनिजको टोली आइतबार नेपाल आउने भनिएकोले उनलाई काठमाण्डौ ल्याईएको हो । डाँगीको उचाई २२ इन्च मात्रै रहेको बताइएको छ । यसअघि नेपालकै खगेन्द्र थापामगरले विश्वकै होचा व्यक्तीका रुपमा गिनिज बुकमा नाम लेखाएका थिए भने हाल फिलिपिन्सका २३.६ इन्चका जुन्री बालविङ संसारका होचाका रुपमा दर्ता भएका छन् । डाँगीको उचाई २२ इन्च भएको पुष्टि भएमा यो उमेरमा उनी इतिहासकै होचा व्यक्ति भनेर गिनिज बुकमा नाम लेखाउने छन् ।