कानुन व्यवसायीहरु नै शान्ति र संविधानको माग गर्दै आन्दोलनमा

लिम्वूवान डट व्लगस्पोट डटकम,काठमाडौं

दोषीलाई कानुन अनुसारको सजाय तोक्ने वकिल तथा कानुन व्यवसायीहरु नै शान्ति र संविधानको माग गर्दै आन्दोलनमा उत्रिएका छन् । यसरी शान्ति र संविधानको माग गर्दै प्रदर्शनमा उत्रिएका कानुन व्यवसायीहरुलाई प्रहरीले नियन्त्रणमा समेत लिएको छ । सर्वोच्च अदालतको बाहिरपट्टि प्रहरीले उनीहरुलाई पक्राउ गरेर ट्रकमा राखी लगेको थियो । प्रहरीले सर्वोच्च अगाडीको भाग निषेधित क्षेत्र भन्दै बल प्रयोग गरेको हो । बारको कार्यालय सो क्षेत्रमै रहेकाले उनीहरुले त्यहीबाट प्रर्दशन गरेका थिए । तलव भत्ता खाउ, संविधान नबनाउ’, ‘बैठक बसाउ निष्कर्ष ननिकाल’, ‘निर्वाचन किन चाहियो रु, संविधानसभाको म्याद थप्न पाइयो’ लगायतका नारा लेखिएको प्ले कार्डसहित कालो कोट हातमा बोकेर बारको अगाडी प्रदर्शन सुरु गर्न साथ उनीहरुलाई पक्राउ गरेको थियो ।