News

Feb 28, 2012

आप्पा शेर्पालाई पनि गिनिज प्रमाणपत्र

लिम्वूवान डट व्लगस्पोट डटकम,काठमाडौं
विश्वमा भएका विचित्र र अद्धितीय रेकर्डसलाई आधिकारिकता दिने गिनिज प्रमाण पत्र नेपालका कीर्तिमानी आरोही आप्पा शेर्पाले पनि पाएका छन् । सबैभन्दा होचा व्यक्तिका रुपमा कीर्तिमानी राख्न सफल चन्द्रबहादुर डाँगीलाई प्रमाणपत्र दिने सिलसिलामा पहिलो पटक नेपाल आएका गिनिज बुक अफ वल्र्ड रेकर्डका प्रधान सम्पादक क्रेग ग्लिन्डेले आप्पालाई पनि प्रमाण पत्र प्रदान गरेका हुन् । २१ पटक सगरमाथा चुमेका आप्पालाई सिन्धुपाल्चोक ग्याल्थुमस्थित सरस्वती उच्च माविमा सोमबार भेटेर उनले गिनिज बुक अफ वल्र्ड रेकर्डको प्रमाणपत्र दिएका हुन् । प्रमाणमत्र मात्र नभई उनले शेर्पा सामु गर्वले निहुरिएर असीम सम्मानसमेत प्रकट गरे । संसारकै लामो मानिएको हिमाली क्षेत्रको चारमहिने १७ सय किलोमिटर पदयात्राको क्रममा ग्याल्थुम पुगेका आप्पाले आफूले कयौँ पटक गिनिज प्रमाणपत्र लिन खोजेको तर व्यस्तताले मौका नमिलेको बताए । आफ्नै देशमा प्रमुख व्यक्तिका हातबाट प्रमाणपत्र लिन पाउँदा निकै खुशी समेत व्यक्त गरे । ग्लिन्डे दाङका डाँगीलाई होचा व्यक्तिको प्रमाणपत्र दिन ३ दिन अघि नेपाल आएका थिए । उनले नेपाल भ्रमणको यो क्षण बिर्सिनै नसकिने समेत सुनाए । उनले सरस्वती विद्यालयको आगन्तुक पुस्तिकामा यस्तो लेखे-'आप्पा नेपालका राष्ट्रिय हिरो मात्र होइनन्, अन्तराष्ट्रिय हिरो हुन्, उनलाई प्रमाणपत्र दिँदा गिनिजलाई गर्व भएको छ ।' आप्पाले भने अब चुचुरो नचढ्ने तर फेदतिरै भने हिँड्ने बताए ।

No comments: