अनिश्चितकालिन धौलागिरी अञ्चल बन्द

लिम्वूवान डट व्लगस्पोट डटकम,काठमाडौं

बागलुङ जिल्लाको पश्चिम बुर्तिबाङमा नयाँ यातायात व्यवसायी समिति दर्ता भएको विरोधमा बागलुङका यातायात व्यवसायीहरुले अनिश्चितकालिन धौलागिरी अञ्चल बन्दको आव्हान गरेका छन् । धौलागिरी अञ्चल यातायात बस व्यवसायी, जीपव्यवसायी र ट्याक्सी व्यवसायी समिति बागलुङले नयाँ समिति दर्ताको विरोधमा आजदेखि अनिश्चितकालीन धौलागिरी अञ्चलमा यातायात बन्दको आव्हान गरेका हुन । पश्चिम बुर्तिबाङ बजार र त्यस आसपासमा सदरमुकामबाट सञ्चालन हुने बस, जीप र ट्याक्सीले सेवा दिन नसकेको भन्दै जिल्ला प्रशासन कार्यालय बागलुङमा बुर्तिबाङ यातायात व्यवसायी समिति दर्ता भएको थियो । हिजो नयाँ समिति दर्ता भएपछि यातायात व्यवसायीहरुले आज अञ्चलमा यातायात बन्दको आव्हन गरेका हुन । आकस्मिक रुपमा गरिएको यातायात बन्दका कारण धौलागिरी अञ्चलका बागलुङ, पर्वत, म्याग्दीबाट बिभिन्न स्थानमा जाने यात्रुहरु सदरमुकाममै अलपत्र परेका छन् ।