इटहरीमा दोहोरो झडप तनावग्रस्त

लिम्वूवान डट व्लगस्पोट डटकम,काठमाडौं

नेकपा-एमाले कार्यकर्ता र नेपाली काँग्रेस कार्यकर्ताबीच आज दिउँसो इटहरीमा दोहोरो झडपका कारण इटहरी तनावग्रस्त बन्न पुगेको छ । नेपाली काँग्रेस इटहरी नगर सभापति हेमकर्ण पौडेललाई हिजो साँझ हातपात गर्ने एमाले कार्यकर्ता रुपेश बजगाईलाई कारवाहीका लागि उजुरी गर्न इलाका प्रहरी कार्यालय इटहरी पुग्दा पुनः एमाले कार्यकर्ताले आक्रमण गरेका थिए । त्यस क्रममा एमाले युवा सङ्घले चार राउण्ड पेस्तोलबाट गोली चलाएको नेपाली काँग्रेस नगर सभापति पौडेलले जानकारी दिनुभयो । झडपको स्थितिलाई नियन्त्रणमा लिन प्रहरीले दुई राउण्ड हवाइ फायर गरेको छ । एमाले युवाहरू इलाका प्रहरी कार्यालयदेखि १०० मिटर पूर्व टेङ्ग्राखोला नजिक तैनाथ रहेका छन् भने नेपाली काँग्रेसका युवाहरू इटहरी चोकमा घट्नाको विरोध गर्दै एकघण्टे यातायात बन्द अभियानमा रहेका छन् । नेपाली काँग्रेसका नगर सभापति पौडेलका अनुसार इलाका प्रहरी कार्यालय इटहरीले पेस्तोल पड्काउने र आफूमाथि आक्रमण गर्ने रुपेश बजगाईलाई एकघण्टाभित्रमा नियन्त्रणमा लिने आश्वासन दिएकाले एक घण्टासम्म पर्खने बताउनुभयो ।