लिम्वूवान डट व्लगस्पोट डटकम,काठमाडौं
आन्दोलन ग्रस्त मुलुक लिबियामा कार्यरत नेपाली मध्य ६२ जना नेपाली कामदार शनिबार दिउँसो स्वदेश आइपुगेका छन्। लिबियाको डेर्नास्थित निर्माण क्षेत्रमा कार्यरत उनीहरु इजिप्टको अलेक्सजेन्डिरा विमानस्थलबाट युएईको शारजाहा हुँदै दिउँसो तीन बजे त्रिभुवन विमानस्थल आइपुगेका हुन्। उनीहरु बिहान ३ बजे अलेक्सजेन्डीरायबाट उडेका थिए। उनीहरुलाई शुक्रबार राति इजिप्टको कायरोस्थित दुताबासका प्रथम सचिव तिर्थ अर्यालले बोर्डरबाट अलेक्सजेन्डीयमा पुर्याएका थिए । उनीहरुलाई ल्याउन सरकार र एसओएस म्यानपावर कम्पनीले खर्च गरेको छ । एसओएसका अध्यक्ष हेमलाल गुरुङले बाँकी कामदारलाई ल्याउने काम भइरहेको बताए । यहाँ आइपुगेका कामदारलाई अहिले एसओएसले आफ्नो सेल्टरमा राखेका छन् ।
No comments:
Post a Comment