कूटनीतिक राहदानी फिर्ता नगर्ने सभासद् ४११

लिम्वूवान डट व्लगस्पोट डटकम,काठमाडौं

राजनीतिक पार्टी नियोजित षड्यन्त्र र विधायकका गतिविधिहरू निर्देशित गर्ने नियमको अभावमा कूटनीतिक राहदानी दुरुपयोग भएको पुष्टि भएको छ।मधेसी जनअधिकार फोरम नेपालले कूटनीतिक राहदानी दुरुपयोग गर्ने उद्देश्यका साथ औँठाछाप सभासद्लाई उच्च बौद्धिक अन्तर्राष्ट्रिय गोष्ठीमा सहभागी गराउन संसद् सचिवालयमा गत असोज १८ गते सिफारिस गरेको थियो। फोरमको सिफारिसलाई मान्यता दिँदै संसद् सचिवालयले परराष्ट्र मन्त्रालयलाई असोज २५ मा राहदानीका लागि सिफारिस गरेको थियो।सभासद्हरूलाई क्यानडामा गत नोभेम्बर ३० मा सञ्चालन भई डिसेम्बर ३ मा सम्पन्न हाइपर टेन्सन तथा डास्लिपिडिया’ को उपचारबारेको निश्चित समायोजनसम्बन्धी तेस्रो अन्तर्राष्ट्रिय सम्मेलनमा सहभागी गराउन खोजिएको थियो। सहभागी गराउन खोजिएका सभासद्हरूमा नेपाली जनता दलकी गायत्री साह (राहदानी नम्बर ०१९८२७) तथा फोरमका सभासद्हरू विश्वनाथप्रसाद यादव, सलमा खातुन मिकारानी, शिवपूजन राय यादव (०२०४४५), रम्भादेवी खातुन (०१९८९) र सीपी यादव थिए। मिकारानीले त्यसअघि पनि कूटनीतिक राहदानी लिएकी थिइन्। उल्लिखित सभासद्हरूको राहदानी डेढ करोड रुपियाँभन्दा बढीमा आवधिक तबरले बिक्री भएको समाचार यसअघि नै र्सार्वजनिक भइसकेको थियो।