उपसमितिको संयोजकमा प्रचण्ड चयन

लिम्वूवान डट व्लगस्पोट डटकम,काठमाडौं

संविधान निमार्णमाणमा देखिएका समस्या समधान गर्न संवैधानिक समिति अन्तर्गत गठित उपसमितिको संयोजकमा एकीकृत नेकपा माओवादीका अध्यक्ष पुष्पकमल दाहाल चयन हुनु भएको छ ।
सिंहदरवार स्थित संसद सचिवालयमा आज बसेको उपसमितिको बैठकले दाहाललाई संयोजक तोकेको हो । बैठकले उपसमितिलाई सहयोग गर्न प्रमुख तीन दलका दुई दुई जना सदस्य समेत तोकेको छ । सहयोगी सदस्यहरुमा नेपाली काँग्रेसका विमलेन्द्र निधी र राधेश्याम अधिकारी , माओवादीका देव गुरुङ र खिमलाल देवकोटा तोकिनु भएको छ । त्यस्तै एमालेको तर्फबाट सुरेन्द्र पाण्डे र अग्नी खरेललाई तोकिएको छ । बैठकले मधेशी जनाधिकार फोरमका अध्यक्ष उपेन्द्र यादव र राष्ट्रिय जनशक्ति पाटीका डाक्टर प्रकाश चन्द्र लोहनीलाई उप समितिको आमन्त्रीत सदस्यमा चयन गरेको उप समिति सदस्य तथा काँग्रेस संसदिय दलका नेता रामचन्द्र पौडेलले जानकारी दिनु भयो । उपसमितिले फागुन मसान्त सम्ममा विषयगत समितिमा देखिएका ७५ बुँदे विवादलाई मिलाउने जिम्मेवारी पाएको छ ।