सहमति जुटाउन सवैधानिक समिति सक्रिय

लिम्वूवान डट व्लगस्पोट डटकम,काठमाडौं

फाल्गुन ६ - संविधान निर्माण हुन ९९ दिन मात्र बाँकी हुँदा राजनीतिक सहमति जुटाउन सवैधानिक समिति सक्रिय भएको छ । दलहरुबीच नयाँ संविधानका प्रस्तावित विषयमा विवाद कायमै रहेको बेला आगामी राणनीति तय गर्न समिति आफै सक्रिय भएको हो । समितिलाई संविधान सभाले विवादित विषयमा सहमति जुटाई पहिलो मस्यौदा लेखनको जिम्मा दिएपनि पछिल्लो समयमा सहमति जुटन नसक्दा अप्ठ्यारोमा परेको छ । मुख्य बुँदा सहित प्रस्तावित ८३ वटा विषयमा दलहरुबीच मतान्तर रहेको छ । तोकिएकै मितिमा संविधान निर्माणका लागि भावी राणनीति तय गर्न समितिले शुक्रबार अपरान्ह्र संविधानमा प्रतिनिधित्व गर्ने साना दलहरुसँग छलफल गर्दैछ । हिजो मझौला दलहरुसँग छलफल गरेको समितिले आज २ बजे हिजो अनुपस्थित रहेकासहित १३ वटा दललाई बोलाएको छ ।
आगामी सोमबार बैठक बस्नु अघि विवादित विषयमा सहमतिका लागि उपसमिति गठन गर्ने वा मत विभाजनबाट विवाद टुंगो लागउने भन्ने विषयमा आजको बैठक केन्द्रित हुने संवैधानिक समितिका सभापति निलाम्बर आचार्यले बताएका छन् ।