माओवादीले सहिद सप्ताह मनाउन सुरु

लिम्वूवान डट व्लगस्पोट डटकम,काठमाडौं

एकीकृत नेकपा माओवादीले आज शनिबारदेखि सहिद सप्ताह मनाउन सुरु गरेको छ । सहिद सप्ताहको अवसरमा माओवादीले २१ गतेसम्म सभा, समारोह, सहिद परिवारलाई सम्मान, भित्ते लेखनलगायत विभिन्न कार्यक्रम आयोजना गरेको छ । सहिद सप्ताहको अवसरमा शनिबार ललितपुरको कुपण्डोलमा जनयुद्धका सहिद, वेपत्ता एवं घाईते परिवारलाई सम्मान गरिदै छ । माओवादी नेवाःराज्य समितिको आयोजनामा अपरान्ह ३ बजे हुने कार्यक्रममा अध्यक्ष पुष्पकमल दाहाल ‘प्रचण्ड’ लगायतका नेताहरु सहभागी हुनेछन् । सहिद सप्ताहको अवसरमा प्रत्येक जिल्ला - जिल्लामा विभिन्न कार्यक्रमहरु आयोजना भइरहेको जानकारि दिइएको छ ।माओवादी जनयुद्धको क्रममा गोर्खाका स्कुले बालक दिलबहादुर रम्तेललाई तत्कालिन बिद्रोहि माओवादीलाई सघाएको आरोपमा प्रहरीले २०५२ साल फागुन १४ गते हत्या गरेको दिनको स्मृतिमा माओवादीले फागुन १४ गतेदेखि २१ गतेसम्म सहिद सप्ताहको रुपमा मनाउने गर्दछ । रम्तेललाई माओवादीले जनयुद्धको पहिलो सहिदको सम्मान दिएको छ ।२०२८ साल फागुन २१ गते सुखानी हत्याकाण्ड भएको दिनलाई माओवादीले सहिद सप्ताहमा समेट्ने गरेको छ । झापाको चन्द्रगढी कारागारमा रहेका रामनाथ दाहाल, नेत्र घिमिरे, कृष्ण कुईकेल, वीरेन राजवंशी र नारायण श्रेष्ठलाई ईलाम लाने भन्दै सुखानीमा लगेर प्रहरीले गोली हानी हत्या गरेको घटना सुखानी हत्याकाण्डको रुपमा परिचित छ ।