News

Feb 24, 2011

कर्मचारी हत्याको विरोधमा नारायणी अञ्चलका सरकारी कार्यालय बन्द

लिम्वूवान डट व्लगस्पोट डटकम,काठमाडौं
कर्मचारी हत्याको विरोधमा नारायणी अञ्चलका सरकारी कार्यालयहरु दोस्रो दिन विहीबार पनि बन्द रहेका छन् । बारा मालपोत कार्यालयका नायव सुब्बा माधव थापाको हत्याको विरोधमा नारायणी अन्चल अन्तर्गत पर्ने पर्सा, बारा, रौतहट, मकवानपुर र चितवनका निजामति कर्मचारीहरु हिजोदेखि काम ठप्प पारेर आन्दोलनमा उत्रिएका हुन् । हत्याको विरोधमा नारायणी अन्चल भरिका सरकारी कार्यालयहरु तीन दिनसम्म बन्द गर्ने कर्मचारीहरुले घोषणा गरिसकेका छन् । नेपाल निजामति कर्मचारी युनियन बाराका अध्यक्ष अशोक रौनियारले आज पाँच वटै जिल्ला प्रशासन कार्यालयमा बिहान ११ बजेदेखि धर्ना दिने कार्यक्रम रहेको जानकारी दिनुभयो ।र्मचारी हत्याको विरोधमा आज नवलपरासीका सम्पुर्ण सरकारी कार्यालयहरुको कामकाज २ घण्टा ठप्प हुने भएको छ । विहान १० बजेदेखि मध्यान्ह १२ बजेसम्म कामकाज ठप्प पार्ने कर्मचारीहरुले बताएका छन् ।
आन्दोलनरत कर्मचारीहरुले मृतक थापालाई शहीद घोषणा गरी उहाँको परिवारजनलाई २० लाख रुपैयाँ क्षतिपूर्ती दिनुपर्ने, मृतकको परिवारका १ जनालाई जागिर र मालपोत कार्यलयमा मृतकको शालीक निर्माण गर्नुपर्ने लगायतका माग राखेका छन् । शुक्रबारसम्म पनि मागहरु पूरा नगरिए अर्को चरणको आन्दोलन गर्ने उनीहरुले घोषणा गरेका छन् ।नेपाल निजामती कर्मचारी युनियन, निजामती कर्मचारी संघ, नेपाल राष्ट्रिय कर्मचारी संघ, मधेशी निजामती कर्मचारी संघ, नेपाल पेशागत महासंघ, स्थानीय निकाय कर्मचारी संघ, नेपाल स्वास्थ्य कर्मचारी युनियन, नेपाल स्वास्थ्य प्राविधिक संघको अगुवाइमा कर्मचारीहरु आन्दोलनमा उत्रिएका हुन् ।
यसैबीच थापाको हत्यामा संलग्न रहेको आशंकामा प्रहरीले बाराका विभिन्न स्थानबाट चारजनालाई पक्राउ गरी अनुसन्धान गरिरहेको छ । थापाको हत्याको अनुसन्धानको लागि मध्यक्षेत्रीय प्रहरी कार्यालय हेटौंडाले अञ्चल प्रहरी कार्यालय वीरगन्जका प्रमुख गोपाल भण्डारीको संयोजकत्वमा तीन सदस्यीय छानबिन समिति गठन गरेको छ ।बाराका प्रहरी उपरिक्षक मनोज न्यौपाने र गुप्त श्रेष्ठ सम्मिलित टोलीलाई छानबिनका लागि एक हप्ताको समय दिईएको मध्यक्षेत्रीय प्रहरी कार्यालय हेटौडाका प्रहरी नायव माहानिरीक्षक गंगा पाण्डेले जानकारी दिनुभयो । यसैबीच सरकारले मृतक थापाको परिवारलाई उचित क्षतिपुर्ति दिने निर्णय गरिसकेको छ ।

No comments: